Prošeaktajođiheapmi

Sámegielarena mánáidgárdemánáide

Bluč lea Deanu giellagátti fálaldat sámegielat mánáidgárdemánáide ja sin váhnemiidda/fuolaheddjiide. Fáladat lea ovttasbargguin Deanu mánáidgárddiiguin ja dan vuolggasadji lea sáme-dárogiela guovttegielalašvuohta.

Sáme juridihkalaš terminologiija

Prošeavttas lea ráhkaduvvon davvisámegiela juridihkalaš tearpmat. Tearpmat leat vižžojuvvon ráŋggáštusproseassalágas, ráŋggáštuslágas ja riidolágas. Prošeakta lea mielde nannemin sápmelaččaid riektesihkkarvuođa ovddideamen sámegiela riektegiellan. Ruhtaduvvon dáin AID/KRD ja Sámediggi.

Láhkagiella -Dajaldatlistu Láhkagiellatearpmat

Jur term2005-Rievdaduvvon 2013

Sámegiellaleaira nuoraide

Jahki 2009 rájes leat mii lágidan sámegiellaleairraid nuoraide sihke norggabeale ja suomabeale. Oassálastit leat deaivvadan guovtti geardde ovtta skuvlajagis ja oassálastet iešguđet lágan giellaovddideaddji doaimmain. Ruhtaduvvon Sámedikkis.

Ovttas!

Giella ja pedagogalaš ovttasbargu gaskkal Ohcejoga skuvlla Suomas ja Sirpmá skuvlla Norggas. Dán prošeavtta áigumuš lea leamaš nannet ja ovddidit sáme skuvla- ja mánáidgárdeovttasbarggu rájáid rastá. Ovttasbargguin Ohcejoga ja Deanu gielddaiguin. Ruhtaduvvon dáid bokte: Interreg (Romsa Fylkasuohkan Norggas), Norgga sámediggi, Deanu gielda ja Deanu giellagáddi.

.