Fitnodatoaivadeapmi

SEG fállá oaivadeami ásaheddjiide, proseassajođiheami ásahuvvon fitnodagaide, čađahit ásahankurssaid ja coachet ovttaskasolbmuid ja fitnodagaid.

Etablerenkursa Mii fállat etablerenkurssa sidjiide geat háliidit álggahit iežas fitnodaga. Mii leat ovdalis lágidan etablerenkurssa dego oassin Deanu gieldda Bolyst-prošeavttas.	Coaching Mii fállat coaching ovttaskas olbmuide, fitnodagaide ja joavkkuide. Ovttasbargguin Boazodoalu ovdánahttinfoanddain (RUF) ja Sámedikkiin leat mii čađahan coach-kurssaid boazodoallonissoniid várás.	Mikrokredihtta Fállojuvvo oahpahus, oaivadeapmi ja čuovvuleapmi fitnodatálggaheapmái ja –ovddideapmái go čuovvu vuogi maid man Nobel-vuoiti Muhammad Yunus ja Grameen Bank lea hábmen. Mii leat čađahan mikrokredihtta-prošeavtta Guoládatnjárggas ja Yakutias Ruoššas 2007 rájes. Prošeavtta lea ruhtadan Olgoriikadepartemeanta, Barentsčállingoddi ja Sámediggi.
Strategiijaovddideapmi Mii fállat strategiijaovdánahttin čađaheami fitnodagaide ja organisašuvnnaide gos ovddiduvvo strategalaš plána mii lea čujuheaddjin diŋgojeaddjái. Proseassa sisttisdoallá diŋgojeaddji višuvdna ja ulbmiláddejupmi, siskkáldas ja olgguldas guorahallan (SWOT), strategiijakárten, -analysa ja –sátnádeapmi, sihke čujuhit ja implementeret strategalaš doaimmaid.	Fitnodagaid rávvenbálvalus Mii gullat Innovasjon Norgga álggaheaddjifitnodagaid rávvenbálvalussii. Rávvenbálvalusa bokte oaččut don gii leat beaivválašjođiheaddji persovnnalaš oaivadeami ja čuovvuleami dan dárbui mii du fitnodagas lea. Váldde oktavuođa minguin dahje Innovasjon Norgiin  go háliidat eanet dieđuid oažžut.	Mihttofitnodagaid čuovvuleapmi Sápmi ealáhusgárddi bokte Mii duvdit fitnodatčuovvuleami daidda fitnodagaide geat leat dahkan mihttofitnodatsoahpamuša Sápmi ealáhusgárddiin. Dasa gullet strategiijaijaovddideamit, márkanastinplánen ja ovddidit fitnodatmálliid fitnodagaide. Fierpmádathuksen ja ovttastupmi kompetánsafierpmádagain ja dutkanbirrasiin gullet maid doaimmaide.