Gávcci nissona gorrot Deanu gávtti

28.04.2015

Njukčamánu vuosttaš vahkus álggahuvvui dat nubbi gáktegoarrunkursa Deanus. Kursa bistá logi eahkeda ja oassálastit deaivvadit juohke gaskavahku Deanu sámeskuvllas. Kursagiella lea sámegiella, nu ahte dás oahppá sihke giela ja duoji. Oassálastit leat juo bures boahtán johtui ja áiddo dál leat oahppamin bidjat gávtti oalgeravdda ja oza.