Goarrut ládjogahpira
Kursa čađahuvvo dáiddáriin Outi Pieskiin ja dutkiin Eeva-Kristiina Harlinain. Ulbmiliin lea oažžut eambo olbmuid álggahit ládjogahpira goarrunárbevieruin. Govva: Outi Pieski. |
Sámegiellaleaira nuoraide
Jahki 2009 rájes leat mii lágidan sámegiellaleairraid nuoraide sihke norggabeale ja suomabeale. Oassálastit leat deaivvadan guovtti geardde ovtta skuvlajagis ja oassálastet iežguđet lágan giellaovddideaddji doaimmain. Ruhtaduvvon Sámedikkis. |
|
Gáktegoarrun giellaarena
Kursa lea čađahuvvon dego gielladoaibman ja doaibman mii joatká dan Deanu báikkálaš gákteárbevieruid. Ruhtaduvvon Sámedikkis. |
Giellanannen
Giellanannen bokte ráhkaduvvon arena gos geassá hárjehallat hállat sámegillii. Sámegillii ovttaslávlun ovdal Sámeálbmotbeaivvi, gođđineahkedat mas lea vuođđun gođđinmállet Deanus, luossaapplikašuvnna almmuheapmi Deanu museas ja mo galgá gávtti coggat badjelii vai oažžu čáppa hámi leat fáttát leat leamaš. |
Musihkkaboddu
Sámegillii lávlun lea doaibma mii lea oaivvilduvvon mánáide ja rávisolbmuide geat háliidit olles bearrašii oaivvilduvvon eahpeformála giellaárena. |
Gáktegoarrunkursa almmáiolbmuide
Kursa lei erenoamážit oaivvilduvvon almmáiolbmuide geat háliidedje oahppat ieš goarrut alccesis gávtti. Ruhtaduvvon Sámedikki bokte. |
Sámebiktasiid gárvodankurssa
Beaivvi ovdal Sámeálbmotbeaivvi lágidat mii sámebiktasiid gárvodankurssa gos oahpahuvvo mo galgá giessat vuoddagiid ja mo galgá coggat gávtti, bidjat liinni ja čavget boahkána vai šaddá čáppa fárda. Doaibma lea oassin Giellanannen-prošeavttas ja lea ruhtaduvvon Sámedikki bokte. |
|
