Ovttas lávlun ovdal Sámi álbmotbeaivvi

27.01.2016

Mii háliidat válbmet iežamet lávlunjiena ovdal guovvamánu 6. b. ja bovdet ovttas lávlumii Deanu Giellagáddái gaskavahku guovvamánu 3. b. dii. 17-18.

Musihkkár ja giellaguovddášjođiheaddji Jonut Jovnna Sverre jođiha ovttas lávluma ja čuojaha gitára. Mii juohkit lávlungihppaga mas lea dovddus sámelávlagat ja Sámi Soga lávlla. Mii lohkat jitnosit lávlagiid sániid ja ságastallat daid sisdoalu birra. Buorre “boddu” gii háliidat oahpahallat sámegiela.

Boađe lávlut – ja lávllo dainna jienain mii dus lea.